స్టార్ మా టీవీలో ప్రసారమవుతున్న సీరియల్ :కృష్ణ ముకుంద మురారి'.ఈ సీరియల్ గురువారం నాటి ఎపిసోడ్ -477 లో.. మేమ్ మళ్ళీ సరోగసికి వెళ్దామని డిసైడ్ అయ్యామని మీరాతో కృష్ణ చెప్తుంది. వీళ్ళు ఇంకెవరితోనో బిడ్డని కంటే నా ఆటలు ఎలా సాగుతాయని మీరా మనసులో అనుకుంటుంది. ఎందుకు టెన్షన్ పడుతున్నావని కృష్ణ అడుగగా.. ఏం లేదని మీరా చెప్తుంది.  మీరాని కృష్ణ లాగిపెట్టి చెంపపగలగొడుతుంది. నా బిడ్డని నీ కడుపులోనే ఉంచుకుని తీయించేశానని అబద్ధం చెప్తావా? ఎందుకు మాతో అబద్ధం చెప్పావు, బిడ్డని నీ కడుపులోనే పెట్టుకుని ఎందుకు నాటకాలు ఆడుతున్నావని మీరా జుట్టు పట్టుకుని అడుగుతుంది. : నీ లాంటి దుష్టురాలి కడుపులో నా బిడ్డ పెరుగుతుందనే నిజం కలిచి వేస్తున్నా పెరుగుతుంది నా బిడ్డ కాబట్టి వదిలేస్తున్నా.. ఎందుకు అబద్దం ఆడావు, ఎందుకు ఆదర్శ్ ని పెళ్లి చేసుకోవాలని అనుకుంటున్నావ్? అసలు ఎవరు నువ్వు? నా కుటుంబానికి నీకు ఏంటి సంబంధమని కృష్ణ అడుగుతుంది.

నీకు ఎవరి పేరు వింటే కోపం చిరాకు పుట్టుకు వస్తాయో, ఎవరిని చూస్తే తేళ్ళు జర్రులు పాకినట్టు ఉంటుందో ఆ ముకుందని నేనే అని మీరా అంటుంది‌. ఏం మాట్లాడుతున్నావ్? నువ్వు ముకుంద ఏంటని కృష్ణ అనగానే.. నిజం చెప్పమంటావ్ చెప్తే నమ్మవు. నేను మీరా కాదు ముకుంద. ముకుందలా ఉండి మురారిని గెలవలేనని అర్థం అయ్యింది. అందుకే చనిపోయానని అందరినీ నమ్మించి ఇలా మీరాలా మారిపోయాను. అందుకే రూపం మార్చుకున్నానని మీరా అంటుంది. అది విని కృష్ణ షాక్ అవుతుంది.నువ్వు పిల్లల్ని కంటే మురారి నాకు దక్కడని నీ గర్భసంచిని పోగొట్టి సరోగసి ఐడియా నేనే ఇచ్చి బిడ్డకి  నేనే సరోగసి మథర్ అయి సక్సెస్ ఫుల్ గా బిడ్డని నా కడుపులో పెట్టుకుని ఇలా నీ ముందు నిలబడ్డానని‌ మీరా అలియాస్ ముకుంద అనగానే.. ముకుంద అని గట్టిగా అరుస్తుంది కృష్ణ. ఎంతకు తెగించావే నువ్వు అసలు మనిషివేనా అని కృష్ణ అనగానే.. మురారి కోసం ఎంతకైనా తెగిస్తాను. నేనే ముకుంద అని తెలిసిపోయింది కాబట్టి ఈ విషయం ఎవరితో అయినా చెప్పి నన్ను ఏదో చేయాలని చూస్తే.. నీకు బిడ్డలు పుట్టరని గొడ్రాలిగా ఉంటావని  అత్తయ్యకు నిజం చెప్పి ఇంట్లో నుంచి బయటకు పంపించి మురారిని నా వాడిని చేసుకుంటానని‌ ముకుంద అంటుంది. స్టాపిడ్ ఎందుకిలా చేస్తున్నావ్ నీకు ఏం కావాలని కృష్ణ అడుగుతుంది. 

మురారి కావాలి నువ్వు ఇచ్చే వరకు నేను తీసుకునే వరకు ఇలాగే జరుగుతుంది. నీ బిడ్డ సాక్షిగా చెప్తున్నా ఇది నిజమని ముకుంద చెప్పేసి వెళ్ళిపోతుంది. కృష్ణ ఒక్కసారిగా కూలబడిపోతుంది. మరోవైపు మురారి టెన్షన్ గా ఇంటి దగ్గర కృష్ణ కోసం ఎదురుచూస్తుంటాడు. అప్పుడే కృష్ణ వస్తుంది. ఏమైందని మురారి అడిగితే.. ఆట పట్టించడానికని అలా చెప్పిందని కృష్ణ అబద్ధం చెప్తుంది. మురారి దగ్గర నిజం దాస్తుంది. తర్వాత కృష్ణ బాధగా భవాని దగ్గరకు వస్తుంది. నువ్వు నా దగ్గర ఏదో విషయం దాస్తున్నావని భవాని అంటుంది. అదేమీ లేదని కృష్ణ చెప్తుంది. చిన్నాన్న దగ్గరకు వెళ్ళి వస్తానని కృష్ణ అడుగగా.. హ్యాపీగా వెళ్ళి రమ్మని భవాని చెప్తుంది. ఇంతలో భవాని కాళ్ళ మీద పడి కృష్ణ ఏడుస్తుంది. మరోవైపు ప్రభాకర్ భార్య పీడకల వచ్చిందని భయపడుతుంది. కిట్టయ్యకి ఏదో కీడు జరుగుతున్నట్టు కల వచ్చిందని చెప్తుంది. దీంతో మనం అంతా ఉండగా కిట్టయ్యకి ఏం కాదని ప్రభాకర్ తిడతాడు. అప్పుడే కృష్ణ ఇంటికి వస్తుంది. కృష్ణను చూసి అందరూ హ్యాపీగా ఫీలవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.